ກອງປະຊຸມພົບປະແລກປ່ຽນບົດຮຽນວຽກງານໂຄສະນາອົບຮົມ ລະຫວ່າງ ຄະນະໂຄສະນາອົບຮົມແຂວງ ບໍລິຄໍາໄຊ -ຄະນະໂຄສະນາອົບຮົມ ແຂວງສາລະວັນ

ລາຍລະອຽດ

ສ້າງຂື້ນເມື່ອ ວັນອັງຄານ, 30 ເມສາ 2019 03:08

ຂຽນໂດຍ ຄອຂ ບໍລິຄຳໄຊ

          ໃນຕອນເຊົ້າຂອງວັນທີ 26 ເມສາ 2019 ທີ່ຜ່ານມານີ້ ຢູ່ທີ່ຫ້ອງປະຊຸມເບີ 02 ຂອງຫ້ອງວ່າການປົກຄອງແຂວງບໍລິຄໍາໄຊ ໄດ້ຈັດຕັ້ງກອງປະຊຸມພົບປະແລກປ່ຽນບົດຮຽນວຽກງານໂຄສະນາອົບຮົມ ລະຫວ່າງ ຄະນະໂຄສະນາອົບຮົມແຂວງ ບໍລິຄໍາໄຊ -ຄະນະໂຄສະນາອົບຮົມ ແຂວງສາລະວັນ

        ໃນການພົບປະແລກປ່ຽນບົດຮຽນຮ່ວມກັນໃນຄັ້ງນີ້ ຜູ້ແທນທັງສອງຝ່າຍໄດ້ພ້ອມກັນແລກປ່ຽນບົດຮຽນ ເຊີ່ງກັນ ແລະ ກັນ ຫຼາຍບັນຫາ ໂດຍສະເພາະ ສອງແຂວງໄດ້ລາຍງານແຜນພັດທະນາ ເສດຖະກິດສັງຄົມ 1 ປີ 2018 ແລະ ຄາດໝາຍສູ້ຊົນ ປີ 2019 ພ້ອມທັງໄດ້ແລກປ່ຽນບົດຮຽນ ບາງບັນຫາພື້ນຖານທີ່ຈໍາເປັນສໍາລັບການຈັດຕັ້ງປະຕິບັດ ວຽກງານການເມືອງ -ແນວຄິດໃນໄລຍະໃໝ່ ຂອງແຂວງໃຫ້ໄດ້ຮັບຜົນດີ.

ໃນຕອນທ້າຍຂອງພິທີ ໄດ້ມີການເຊັນບົດບັນທຶກລະຫວ່າງສອງຝ່າຍ ແລະ ມອບຂອງຂວັນທີ່ລະນຶກເຊີ່ງກັນ ແລະ ກັນ ເພື່ອເປັນການຮັດແໜ້ນຄວາມສາມັກຄີລະຫວ່າງສອງແຂວງ ໃຫ້ມີສາຍພົວພັນຮ່ວມມືແໜ້ນແຟ້ນຂຶ້ນກ່ວາເກົ່າ ກອງປະຊຸມດັ່ງກ່າວໄດ້ດໍາເນີນໄປເປັນເວລາເຄີ່ງວັນ ຈຶ່ງສໍາເລັດລົງດ້ວຍຄວາມຈົບງາມ...!

• < ຕໍ່ໄປ
• ຕໍ່ໄປ >