ກອງປະຊຸມສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ 5 ປີ 2016-2020 ວາງທິດທາງແຜນການຮອດປີ 2025 ແລະ ພິທີຍ້ອງຍໍຜົນງານ 5 ປີ 2016-2020

ລາຍລະອຽດ

ສ້າງຂື້ນເມື່ອ ວັນພຸດ, 26 ເມສາ 2023 06:59

ຂຽນໂດຍ ນາງ ນິກອນ ໄມຂະມຸວົງ

     ໃນວັນທີ 25 ເມສາ 2023 ຄະນະໂຄສະນາອົບຮົມແຂວງ ບໍລິຄໍາໄຊ ໄດ້ຈັດກອງປະຊຸມສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ 5 ປີ 2016-2020 ວາງທິດທາງແຜນການຮອດປີ 2025 ແລະ ພິທີຍ້ອງຍໍຜົນງານ 5 ປີ 2016-2020 ຂຶ້ນ. ໃຫ້ກຽດເຂົ້າຮ່ວມເປັນປະທານກອງປະຊຸມໃນຄັ້ງນີ້ໂດຍ ທ່ານ ບຸນສົງ ເພັດຈະເລີນ ຄະນະປະຈໍາພັກແຂວງ, ຫົວໜ້າຄະນະຈັດ ຕັ້ງແຂວງ; ມີຫົວໜ້າ, ຮອງຫົວໜ້າຄະນະໂຄສະນາອົບຮົມແຂວງ, ແຂກຖືກເຊີນຈາກຂົງເຂດການເມືອງ, ອົງການແນວລາວ ສ້າງຊາດແຂວງ ແລະ ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມຢ່າງພ້ອມພຽງ.

          - ກອງປະຊຸມໄດ້ຮັບຟັງການຜ່ານບົດສະຫຼຸບຜົນງານແຂ່ງຂັນຍ້ອງຍໍໃນຂະບວນການ ແຂ່ງຂັນ “ ຮັກຊາດ ແລະ ພັດທະ ນາ ” 5 ປີ ( 2016-2020 ) ແລະ ທິດທາງແຜນກາງຮອດປີ 2025.

          - ຜ່ານບົດລາຍງານການຍ້ອງຍໍຜົນງານ 5 ປີ ( 2016-2020 ).

          ຫຼັງຈາກນັ້ນ, ກໍໄດ້ມີການປະດັບຫຼຽນ ແລະ ມອບໃບຍ້ອງຍໍໃຫ້ແກ່ຜູ້ທີ່ມີຜົນງານດີເດັ່ນ ໃນໄລຍະຜ່ານມາ ປະກອບມີຄື:

          - ມອບຫຼຽນໄຊແຮງງານ ຊັ້ນ III ໃຫ້ກົມກອງ ຄະນະໂຄສະນາອົບຮົມແຂວງ ບໍລິຄໍາໄຊ.

          - ມອບຫຼຽນໄຊແຮງງານ ຊັ້ນ I ໃຫ້ບຸກຄົນດີເດັ່ນ ຈໍານວນ 02 ສະຫາຍ, ຍິງ 01 ສະຫາຍ.

          - ມອບຫຼຽນໄຊແຮງງານ ຊັ້ນ II ໃຫ້ບຸກຄົນດີເດັ່ນ ຈໍານວນ 01 ສະຫາຍ, ຍິງ 01 ສະຫາຍ.

          - ມອບໃບຍ້ອງຍໍລັດຖະບານ ຈໍານວນ 08 ສະຫາຍ, ຍິງ 07 ສະຫາຍ.

          - ມອບໃບຊົມເຊີຍເຈົ້າແຂວງ ຈໍານວນ 02 ສະຫາຍ, ຍິງ 0 ສະຫາຍ.

 ກອງປະຊຸມໄດ້ແຕ່ງຕັ້ງຄະນະຮັບຜິດຊອບວຽກງານແຂ່ງຂັນຍ້ອງຍໍ, ຮັກຊາດ ແລະ ພັດທະນາ, ພ້ອມທັງກໍາ ນົດເນື້ອໃນຂໍ້ ແຂ່ງຂັນຂອງຄະນະໂຄສະນາອົບຮົມແຂວງຂຶ້ນ ແລະ ຈັບມືແຂ່ງຂັນກັນ ເພື່ອພ້ອມກັນຈັດຕັ້ງປະຕິບັດຂໍ້ແຂ່ງຂັນ ໃຫ້ບັນລຸ ຕາມຈຸດປະສົງທີ່ວາງໄວ້.

       ຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມໃຫ້ທິດຊີ້ນໍາຂອງ ທ່ານ ບຸນສົງ ເພັດຈະເລີນ ຄະນະປະຈໍາພັກ ແຂວງ, ຫົວໜ້າຄະນະຈັດຕັ້ງແຂວງ ເຊິ່ງທ່ານໄດ້ເນັ້ນໜັກໃຫ້ຄະນະນໍາ, ຄະນະໂຄສະນາອົບຮົມແຂວງ ຕ້ອງເພີ່ມທະວີການ ນໍາພາ-ຊີ້ນໍາ, ບັນຊາ ແລະ ຕິດຕາມ ກວດກາ, ຜັນຂະຫຍາຍຕາມເນື້ອໃນທີ່ວາງໄວ້, ຖືເອົາວຽກແຂ່ງຂັນຮັກຊາດ ແລະ ພັດທະນາເປັນທັງທິດທາງລວມ, ເປັນເນື້ອໃນວຽກງານຢ່າງຈະແຈ້ງ, ທັງເປັນສະຕິ, ເປັນຫຼັກການໃນການນໍາພາ-ຊີ້ນໍາເຄື່ອນ ໄຫວ ແລະ ຄຸ້ມຄອງ, ເປັນມາດຕະຖານສໍາຄັນໃນການຕີລາຄາຄັດເລືອກວຽກດີ, ຄົນເດັ່ນ ໃນການປະຕິບັດໜ້າທີ່ວຽກງານ ເພື່ອຍ້ອງຍໍໃຫ້ຖືກຕ້ອງຕາມຄວາມເປັນຈິງ.

ພິທີໂຄສະນາ-ປາຖະກະຖາ ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 62 ປີ

ລາຍລະອຽດ

ສ້າງຂື້ນເມື່ອ ວັນພຸດ, 05 ເມສາ 2023 07:51

ຂຽນໂດຍ ນາງ ນິກອນ ໄມຂະມຸວົງ

      ເພື່ອແນໃສ່ເສີມຂະຫຍາຍທາດແທ້-ມູນເຊື້ອປະຕິວັດ, ນໍ້າໃຈເສຍສະຫຼະອົງອາດກ້າຫານ, ເດັດດ່ຽວໜຽວ ແໜ້ນ ບໍ່ຍອມ ຈໍານົນ ແລະ ຜົນງານໄຊຊະນະອັນໃຫຍ່ຫຼວງ ຂອງກໍາລັງປ້ອງກັນຄວາມສະຫງົບປະຊາຊົນ ທີ່ຍາດມາໄດ້ໃນໄລຍະ 62 ປີຜ່ານມາ.

     ໃນຕອນເຊົ້າຂອງວັນທີ 04 ເມສາ 2023 ຢູ່ທີ່ສະໂມສອນໃຫຍ່ຂອງແຂວງບໍລິຄໍາໄຊ ໄດ້ຈັດພິທີໂຄສະນາ-ປາຖະກະຖາ ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 62 ປີ ( 05 ເມສາ 1961-05 ເມສາ 2023 ), ໃຫ້ກຽດຂຶ້ນປາຖະ ກະຖາໃນ ຄັ້ງນີ້ໂດຍ ທ່ານ ປອ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍລິຄໍາໄຊ, ມີຄະນະບໍລິຫານ ງານພັກແຂວງ, ປະທານແນວລາວສ້າງຊາດແຂວງ, ສະມາຊິກສະພາແຫ່ງຊາດປະຈໍາເຂດເລືອກຕັ້ງ 11, ສະມາຊິກສະພາປະຊາ ຊົນແຂວງ, ນາຍທະຫານ, ນາຍຕໍາຫຼວດ, ພະນັກງານນັກຮົບ, ພະນັກງານອາວຸໂສບໍານານ, ຫົວໜ້າ, ຮອງພະແນກການ, ອົງ ການທຽບເທົ່າ, ອົງການຈັດຕັ້ງມະຫາຊົນ ແລະ ພະນັກງານ-ລັດຖະກອນ ອ້ອມຂ້າງແຂວງ ເຂົ້າຮ່ວມທັງໝົດ 262 ຄົນ, ຍິງ 75 ຄົນ.

     ໃນພິທີດັ່ງກ່າວ ທ່ານ ປອ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍລິຄໍາໄຊ ຕາງໜ້າ ການນໍາຂອງແຂວງ ກໍຄື ພະນັກງານ ແລະ ປະຊາຊົນບັນດາເຜົ່າຊາວແຂວງບໍລິຄໍາໄຊ ຍັງໃຫ້ກຽດຂຶ້ນມອບ ກະຕ່າຂອງຂວັນ ໃຫ້ແກ່ພາກສ່ວນດັ່ງກ່າວອີກດ້ວຍ.

ຊຸດອົບຮົມໃຫ້ມະຫາຊົນກ້າວໜ້າ ຊຸດທີ I ປີ 2023

ລາຍລະອຽດ

ສ້າງຂື້ນເມື່ອ ວັນອັງຄານ, 04 ເມສາ 2023 02:28

ຂຽນໂດຍ ນາງ ນິກອນ ໄມຂະມຸວົງ

     ໃນວັນທີ 31 ມີນາ 2023 ຢູ່ທີ່ຫ້ອງປະຊຸມເບີ 04 ຊັ້ນ 3 ຫ້ອງວ່າການແຂວງ ຄະນະໂຄສະນາອົບຮົມແຂວງ ໄດ້ເປີດຊຸດ ອົບຮົມ ໃຫ້ມະຫາຊົນຜູ້ກ້າວໜ້າ ທີ່ຈະຂະຫຍາຍເຂົ້າເປັນສະມາຊິກພັກປະຊາຊົນ ປະຕິວັດລາວ ຊຸດທີ I ປີ 2023 ຂຶ້ນ, ໃຫ້ກຽດ ເປັນປະທານໃນຄັ້ງນີ້ໂດຍ ສະຫາຍ ອຸດອນ ສອນສຸລິນ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີມະຫາຊົນກ້າວໜ້າ ມາຈາກຄະນະພັກຮາກຖານ, ໜ່ວຍພັກຮາກຖານ ອ້ອມຂ້າງແຂວງ ເຂົ້າຮ່ວມທັງໝົດ 39 ສະ ຫາຍ, ຍິງ 22 ສະຫາຍ.

    ຈຸດປະສົງໃນການເປີດຊຸດອົບຮົມໃນຄັ້ງນີ້ ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າ ທີ່ຈະຂະຫຍາຍ ເຂົ້າພັກເປັນສະ ມາຊິກພັກ ຮັບຮູ້-ເຂົ້າໃຈ ເບື້ອງຕົ້ນກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິ ວັດ ລາວ ເຂົ້າໃຈ ກ່ຽວກັບມາດຕະຖານ, ເງື່ອນໄຂຜູ້ທີ່ຈະເຂົ້າເປັນສະມາຊິກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ.

          ບົນພຶ້ນຖານຄວາມຮັບຮູ້-ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ກ້າວໜ້າ ຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ມີມາດ ຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈ ເຂົ້າເປັນສະມາຊິກພັກປະຊາຊົນ ປະຕິວັດລາວ ເພື່ອເພີ່ມພະລັງ ແຮງໃຫ້ແກ່ພັກນັບມື້ນັບຫຼາຍຂຶ້ນ.

           ຊຸດອົບຮົມດັ່ງກ່າວ ໄດ້ຄົ້ນຄວ້າ-ເຊື່ອມຊຶມ ເອກະສານ ຈໍານວນ 13 ຄໍາຖາມ-ຄໍາຕອບ.

      ໃນຕອນທ້າຍຂອງຊຸດອົບຮົມ ຍັງໄດ້ຮັບກຽດຟັງການໂອ້ລົມຂອງ ສະຫາຍ ອຸດອນ ສອນສຸລິນ ກໍາມະການພັກແຂວງ, ຫົວໜ້າ ຄະນະໂຄສະນາອົບຮົມແຂວງ ເຊິ່ງທ່ານໄດ້ເນັ້ນໜັກໃຫ້ ມະຫາຊົນຜູ້ກ້າວໜ້າທຸກສະຫາຍ ຈົ່ງຕັ້ງໜ້າຝຶກຝົນຫຼໍ່ຫຼອມ ຕົນເອງ ໃຫ້ກາຍເປັນຜູ້ທີ່ດີເດັ່ນໃນທຸກຂະບວນການຂອງວຽກງານ, ມີມາດຖານ ແລະ ເງື່ອນໄຂຄົບຖ້ວນ ເພື່ອເຂົ້າເປັນສະມາ ຊິກພັກປະຊາຊົນປະຕິວັດລາວ.

ຊຸດອົບຮົມວຽກງານການເມືອງ-ແນວຄິດ ແລະ ສັງລວມ-ຫາງສຽງສັງຄົມ ຢູ່ເມືອງບໍລິຄັນ

ລາຍລະອຽດ

ສ້າງຂື້ນເມື່ອ ວັນພະຫັດ, 22 ທັນວາ 2022 02:14

ຂຽນໂດຍ ນາງ ນິກອນ ໄມຂະມຸວົງ

     ໃນວັນທີ 19-20 ທັນວາ 2022 ຄະນະໂຄສະນາອົບຮົມເມືອງບໍລິຄັນ ໄດ້ເປີດຊຸດອົບຮົມວຽກງານການເມືອງ-ແນວຄິດ ແລະ ສັງລວມ-ຫາງສຽງສັງຄົມຂຶ້ນ ເພື່ອສ້າງຂີດຄວາມສາມາດ ໃຫ້ຄະນະຮັບຜິດຊອບ ວຽກງານການເມືອງ-ແນວຄິດ ແລະ ສັງ ລວມ-ຫາງສຽງສັງຄົມຢູ່ຂັ້ນເມືອງ ໃຫ້ມີຄວາມໜັກແໜ້ນ-ເຂັ້ມແຂງ. ໂດຍການເປັນປະທານ ຂອງ ທ່ານ ວັນເລີນ ປຸ້ຍໄມນີ ກໍາມະການພັກແຂວງ, ເລຂາພັກເມືອງ, ເຈົ້າເມືອງບໍລິຄັນ, ເປັນກຽດເຂົ້າຮ່ວມຂອງທ່ານ ລາວປາວຊົ່ງ ນະວົງໄຊ ກໍາມະການ ສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ອຸດອນ ສອນສຸລິນ ກໍາມະການພັກແຂວງ, ຫົວໜ້າ ຄະນະໂຄສະນາອົບຮົມແຂວງ. ມີຄະນະຮັບຜິດຊອບວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມຂັ້ນເມືອງ ເຂົ້າຮ່ວມ 25 ທ່ານ, ຍິງ 09 ທ່ານ; ຊຸດອົບຮົມດັ່ງກ່າວ ໄດ້ຄົ້ນຄວ້າ-ເຊື່ອມຊຶມບັນດານິຕິກໍາທີ່ສໍາຄັນຄື:

      - ຄໍາສັ່ງຂອງຄະນະເລຂາທິການສູນກາງພັກ ເລກທີ 04/ຄລສພ, ລົງວັນທີ 10 ກໍລະກົດ 2017 ວ່າດ້ວຍການ ເພີ່ມທະ ວີວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມໃນໄລຍະໃໝ່.

      - ຄຳແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 08/ຄອສພ, ລົງວັນທີ 31 ກໍລະ ກົດ 2017 ກ່ຽວກັບ ການ ຈັດຕັ້ງປະຕິບັດຄໍາສັ່ງຂອງຄະນະເລຂາທິການສູນກາງພັກ ເລກທີ 04/ຄລສພ.

          - ບັນຫາພື້ນຖານກ່ຽວກັບວຽກງານຫາງສຽງສັງຄົມ.

          - ວິທີການເກັບກຳ ແລະ ນໍາໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ.

        - ຕາໜ່າງເພື່ອນຮ່ວມງານ.

     ໃນຕອນທ້າຍຂອງຊຸດອົບຮົມ ຍັງໄດ້ຮັບກຽດຟັງການໂອ້ລົມຂອງ ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ເຊິ່ງທ່ານໄດ້ຮຽກຮ້ອງໃຫ້ການນໍາຂອງເມືອງ ພ້ອມດ້ວຍ ຄະນະຮັບ ຜິດຊອບ ວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມ ໃຫ້ເອົາໃຈໃສ່ນໍາພາ-ຊີ້ນໍາ ແລະ ເພີ່ມທະວີຄວາມຮັບຜິດຊອບ ຂອງຕົນເຄື່ອນໄຫວວຽກງານດັ່ງກ່າວ ໃຫ້ມີຄວາມໜັກແໜ້ນ-ເຂັ້ມແຂງ, ເຮັດໃຫ້ບັນດາຫາງສຽງສັງຄົມໄດ້ຮັບ ການແກ້ໄຂ ທ່ວງທັນສະພາບການ ແລະ ຖືກຕ້ອງ-ສອດຄ່ອງກັບລະບຽບກົດໝາຍ, ເພື່ອໃຫ້ສັງຄົມມີຄວາມສະຫງົບ ແລະ ປະຊາຊົນ ມີຄວາມເຊື່ອໝັ້ນຕໍ່ການນໍາພາຂອງພັກ-ລັດເຮົາ.

ຊຸດອົບຮົມໃຫ້ມະຫາຊົນກ້າວໜ້າ ຊຸດທີ II ປີ 2022

ລາຍລະອຽດ

ສ້າງຂື້ນເມື່ອ ວັນພຸດ, 28 ທັນວາ 2022 04:20

ຂຽນໂດຍ ນາງ ນິກອນ ໄມຂະມຸວົງ

     ໃນວັນທີ 27 ທັນວາ 2022 ຢູ່ທີ່ຫ້ອງປະຊຸມເບີ 04 ຊັ້ນ 3 ຫ້ອງວ່າການແຂວງ ຄະນະໂຄສະນາອົບຮົມແຂວງ ໄດ້ເປີດຊຸດ ອົບຮົມໃຫ້ມະຫາຊົນຜູ້ກ້າວໜ້າ ທີ່ຈະຂະຫຍາຍເຂົ້າເປັນສະມາຊິກພັກປະຊາຊົນ ປະຕິວັດລາວ ຊຸດທີ II ປີ 2022 ຂຶ້ນ, ໃຫ້ກຽດ ເປັນປະທານໃນຄັ້ງນີ້ໂດຍ ສະຫາຍ ອຸດອນ ສອນສຸລິນ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີມະຫາ ຊົນກ້າວໜ້າ ມາຈາກຄະນະພັກຮາກຖານ, ໜ່ວຍພັກຮາກຖານ ອ້ອມຂ້າງແຂວງ ເຂົ້າຮ່ວມທັງໝົດ 24 ສະຫາຍ, ຍິງ 12 ສະ ຫາຍ.

   ຈຸດປະສົງໃນການເປີດຊຸດອົບຮົມໃນຄັ້ງນີ້ ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າ ທີ່ຈະຂະຫຍາຍເຂົ້າພັກເປັນສະມາຊິກພັກ ຮັບຮູ້-ເຂົ້າໃຈ ເບື້ອງຕົ້ນກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ ເຂົ້າ ໃຈ ກ່ຽວກັບມາດຕະຖານ, ເງື່ອນໄຂຜູ້ທີ່ຈະເຂົ້າເປັນສະມາຊິກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ.

   ບົນພຶ້ນຖານຄວາມຮັບຮູ້-ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ກ້າວໜ້າ ຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ມີມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈ ເຂົ້າເປັນສະມາຊິກພັກປະຊາຊົນ ປະຕິວັດລາວ ເພື່ອເພີ່ມພະລັງແຮງ ໃຫ້ ແກ່ພັກນັບມື້ນັບຫຼາຍຂຶ້ນ.

     ຊຸດອົບຮົມດັ່ງກ່າວ ໄດ້ຄົ້ນຄວ້າ-ເຊື່ອມຊຶມ ເອກະສານ ຈໍານວນ 13 ຄໍາຖາມ-ຄໍາຕອບ.

ອ່ານເພີ່ມເຕີມ...