ໜ່ວຍພັກຄະນະໂຄສະນາອົບຮົມແຂວງບໍລິ..

 

 ໜ່ວຍພັກຄະນະໂຄສະນາອົບຮົມແຂວງບໍລິຄໍາໄຊມອບບັດໃຫ້ສະມາຊິກພັກ ແລະ ຮັບເອົາມະຫາຊົນ

ໃນວັນທີ 22 ຕຸລາ 2014 ໜ່ວຍພັກຄະນະໂຄສະນາອົບຮົມແຂວງບໍລິຄໍາໄຊ ໄດ້ມອບບັດສະມາຊິກພັກໃຫ້ສະມາຊິກພັກສົມບູນ

ຕາມມະຕິຕົກລົງຂອງຄະນະປະຈໍາພັກແຂວງ-ແຂວງບໍລິຄໍາໄຊ ສະບັບເລກທີ 1104/ຄປພ ຂບຊ,​ ລົງວັນທີ 06 ສິງຫາ 2014 ເປັນຄັ້ງທີ 2. ໃນພິທີດັ່ງກ່າວຍັງໄດ້ຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງ 1 ສະຫາຍ ແລະ ມອບໃບກຽດຕິຄຸນ, ໃບຍ້ອງຍໍ, ໃບຊົມເຊີຍ ແລະ ໃບຂອບໃຈຂອງຂັ້ນເທິງ ໃຫ້ບັນດາສະມາຊິກພັກ-ພະນັກງານຄະນະໂຄສະນາອົບຮົມແຂວງຜູ້ທີ່ມີຜົນງານ, ມີຄຸນງາມຄວາມດີໃນການປະກອບສ່ວນປົກປັກຮັກສາ ແລະ ສ້າງ ສາພັດທະນາແຂວງບໍລິຄໍາໄຊ ຄົບຮອບ 30 ປີ. ມີຜູ້ທີ່ໄດ້ຮັບ ໃບກຽດຕິຄຸນ ມີ 06 ສະຫາຍ, ໃບຍ້ອງຍໍ 02 ສະຫາຍ, ໃບຊົມເຊີຍ 02 ສະຫາຍ ແລະ ໃບຂອບໃຈ 02 ສະຫາຍ.

      ໃນພິທີ ສະຫາຍ ເຄນ ລໍມະນີ ໃນນາມຕາງໜ້າຄະນະພັກຂັ້ນເທິງກໍ່ໄດ້ມີຄໍາເຫັນໂອ້ລົມໃຫ້ທິດຊີ້ນໍາຕໍ່ພິທີ, ຊຶ່ງກ່ອນອື່ນໝົດສະຫາຍໄດ້ຍ້ອງຍໍຊົມເຊີຍ ຕໍ່ມະຫາຊົນຜູ້ກ້າວໜ້າທີ່ໄດ້ເອົາໃຈໃສ່ຝຶກຝົນຕົນເອງເຂົ້າມາເປັນສະມາຊິກພັກ, ສະມາ ຊິກພັກຜູ້ທີ່ໄດ້ຮັບບັດສະມາຊິກພັກສົມບູນ ແລະ ບັນດາສະຫາຍຜູ້ໄດ້ຮັບໃບ ຍ້ອງຍໍປະເພດຕ່າງໆຂອງຂັ້ນເທິງ.