ຊຸດຝຶກອົບຮົມ ເພີ່ມຄວາມສາມາດໃນການຂຽນບົດຂ່າວ, ບົດຄວາມ ລົງສື່ເອເລັກໂຕຼນິກ ໃຫ້ຄະນະໂຄສະນາອົບຮົມທົ່ວປະເທດ ໄດ້ຈັດຂຶ້ນໃນລະຫວ່າງວັນທີ 4-8 ພະຈິກ 2024 ເປັນເວລາ 4 ວັນ, ພາຍໃຕ້ການເປັນປະທານຂອງ ທ່ານ ນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ, ມີຜູ້ເຂົ້າຮ່ວມ 134 ທ່ານ, ຍິງ 55 ທ່ານ. ຊຸດອົບຮົມ ໄດ້ຄົ້ນຄວ້າ-ຮໍ່າຮຽນເອກະສານ 04 ບົດຄື: ທັກສະການຂຽນຂ່າວແບບມືອາຊີບ; ກໍາແໜ້ນວິທີອະທິບາຍ, ຕອບໂຕ້ຖ້ອຍທໍານອງບິດເບືອນໃນສື່ອອນລາຍ; ຫຼັກການພື້ນຖານຂອງການຂຽນຂ່າວ, ສໍາພາດຂ່າວ ແລະ ບາງບົດຮຽນທີ່ຕ້ອງເອົາ ໃຈໃສ່ໃນການໂຄສະນາ-ເຜີຍແຜ່ຂໍ້ມູນຂ່າວສານຜ່ານສື່ແບບໃໝ່.
ຜ່ານການຝຶກອົບຮົມເຮັດໃຫ້ນັກສໍາມະນາກອນຮັບຮູ້ບົດຮຽນອັນໃໝ່ ໃນການຂຽນຂ່າວ, ບົດຄວາມຕ່າງໆ ລົງໃນສື່ເອເລັກໂຕຣນິກ ລວມທັງບົດຮຽນໃໝ່ໆ ໃນການເຮັດໜ້າທີ່ຂອງສື່ມວນຊົນ-ນັກຂ່າວ ນັກອ່ານ, ນັກພິທີກອນ-ພິ ທີການໃນຫ້ອງປະຊຸມ ແລະ ພິທີອື່ນໆ ເຊິ່ງມີຫຼາຍອັນເປັນບົດຮຽນທີ່ເພິ່ນປັບປຸງໃໝ່; ພິເສດ ແຕ່ລະແຂວງ ໄດ້ສາ ທິດຂຽນບົດຕອບໂຕ້ບັນຫາຫາງສຽງ-ຖ້ອຍທໍານອງບິດເບືອນໃນສື່ອອນລາຍ ແລ້ວຍັງມີການເຈາະຈີ້ມ ຖາມ-ຕອບ ແລກປ່ຽນບົດຮຽນລະຫວ່າງສູນກາງ ກັບ ບັນດາແຂວງຢ່າງເປັນຂະບວນການ.
