ໃນວັນທີ 07 ພະຈິກ 2024 ຄະນະໂຄສະນາອົບຮົມແຂວງ ໄດ້ຈັດຊຸດອົບຮົມວຽກງານການເມືອງ-ແນວຄິດ ໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ຢູ່ບ້ານທົ່ງນາມີ ເມືອງປາກກະດິງ ແຂວງບໍລິຄໍາໄຊ, ເຊິ່ງມີ ເຈົ້າກົກ-ເຈົ້າເຫຼົ່າ ຈາກ 10 ບ້ານອ້ອມຂ້າງເຂົ້າຮ່ວມ.
ຊຸດອົບຮົມຄັ້ງນີ້ ໄດ້ຮັບຟັງການເຜີຍແຜ່-ເຊື່ອມຊຶມເອກະສານສໍາຄັນ 03 ບົດຄື: ເສີມຂະຫຍາຍມູນ ເຊື້ອອັນສະຫງ່າລາສີຂອງປະຊາຊົນລາວບັນດາເຜົ່າ; ບົດບາດ ແລະ ໜ້າທີ່ຂອງຜູ້ຊົງຄຸນວຸດທິບັນດາຊົນເຜົ່າ; ເພີ່ມທະວີຄວາມສາມັກຄີ ເປັນປຶກແຜ່ນ ແລະ ຄວາມສະເໜີພາບຂອງປະ ຊາຊົນລາວບັນດາເຜົ່າ. ການຝຶກອົບຮົມດັ່ງກ່າວ ແມ່ນເພື່ອເຮັດໃຫ້ຜູ້ເຂົ້າຮ່ວມ ຮັບຮູ້-ເຂົ້າໃຈ ແລະ ກໍາແໜ້ນ ຕໍ່ແນວທາງນະໂຍບາຍ, ມະຕິ, ຄໍາສັ່ງຂອງພັກ, ສ້າງຄວາມສາມັກຄີເປັນປຶກແຜ່ນຢູ່ພາຍໃນບ້ານ ແລະ ພ້ອມກັນ ນໍາພາປະຊາຊົນບັນດາເຜົ່າ ເຄື່ອນໄຫວຢ່າງຖືກຕ້ອງກັບແນວທາງ ແລະ ລະບຽບກົດໝາຍຂອງລັດວາງອອກຢ່າງເຂັ້ມງວດ.
