ວັນທີ 16 ທັນວາ 2025 ຢູ່ທີ່ວິທະຍາໄລ ເຕັກນິກ-ວິຊາຊີບ ແຂວງບໍລິຄຳໄຊ ທ່ານ ຄຳແວ່ນ ປັນຍານຸວົງ ອຳນວຍການວິທະຍາໄລເຕັກນິກ-ວິຊາຊີບ ແຂວງ, ຄູອາ-ຈານພ້ອມດ້ວຍນັກສຶກສາ ໄດ້ຕ້ອນຮັບຄະນະຜູ້ແທນຂອງໂຄງການTICA ແລະ ທ່ານ ດຸສິດ ສະດວກ ຜູ້ອຳນວຍການສະຖາບັນອາຊີວະສຶກສາການກະເສດຕາເວັນອອກສຽງ ເໜືອ ພ້ອມດ້ວຍຄະນະທີ່ໄດ້ເດີນທາງມາ ກໍ່ຄືວິທະຍາໄລ ເຕັກນິກ-ວິຊາຊີບ ແຂວງບໍລິຄຳໄຊ.
ໂອກາດດັ່ງກ່າວງທັງສອງຝ່າຍກໍ່ໄດ້ປຶກສາຫາລື ແລະ ນໍາສະເໜີແນວທາງໃນການສ້າງສູນພັດທະນາການຮຽນຮູ້ເຊິ່ງເປັນໂຄງການບຸລິມະສິດຂອງກະຊວງ ສຶກສາທິການ ແລະ ກິລາ ຂອງ ສປປ ລາວ ເພື່ອສ້າງເປັນແຫຼ່ງຮຽນຮູ້ທາງດ້ານທິດສະດີ ການປະຕິບັດຕົວຈິງ ການຝຶກອົບຮົມບຸກຄະລາກອນຄູ-ອາຈານການພັດທະນາຄວາມສາມາດດ້ານເຕັກນິກຄວາມຮູ້ທີ່ທັນສະໄໝໃນການຜະລິດກະສິກຳປູກຝັ່ງ ແລະ ລ້ຽງສັດໃຫ້ແກ່ນັກສຶກສາ ປະຊາຊົນ ແລະ ຜູ້ທີ່ີສົນໃຈໃຫ້ສາມາດເຂົ້າມາສຶກສາຮຽນຮູ້ພາຍໃນສູນ ຊຶ່ງຈະຊ່ວຍປະກອບສ່ວນໃຫ້ແກ່ການສ້າງສາພັດທະນາເສດຖະກິດຂອງແຂວງ ກໍ່ຄືການສ້າງວຽກເຮັດງານທຳ ໃຫ້ແກ່ປະຊາຊົນພາຍໃນແຂວງໃຫ້ເຂັ້ມແຂວງ ແລະ ຍືນຍົງ. 