ໃນວັນທີ 01 ຕຸລາ 2024 ຄະນະໂຄສະນາອົບຮົມແຂວງ ສົມທົບກັບຫ້ອງວ່າການແຂວງ ໄດ້ຈັດກອງປະຊຸມເຜີຍແຜ່ເນື້ອໃນສໍາຄັນ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ ສະບັບປີ 2024-2028 ຂຶ້ນ, ໃຫ້ກຽດເປັນປະທານ ແລະ ເຜີຍແຜ່ເອກະສານໂດຍ ສະຫາຍ ປອ ສອນທະນູ ທໍາມະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງບໍລິຄໍາໄຊ, ມີຄະນະບໍລິຫານງານພັກແຂວງ, ຄະນະກອງບັນຊາການ ປກຊ-ປກສ, ຄະນະເລຂາທິການສະພາປະຊາຊົນແຂວງ, ຫົວໜ້າ-ຮອງຫົວໜ້າພະແນກການ, ອົງການທຽບເທົ່າ, ບໍລິສັດ-ລັດວິສາຫະກິດອ້ອມຂ້າງແຂວງ, ເລຂາ-ຮອງເລຂາພັກເມືອງ, ນາຍ ແລະ ພົນທະຫານທະຫານ, ນາຍ ແລະ ພົນຕໍາຫຼວດຕໍາຫຼວດ ເຂົ້້າຮ່ວມທັງໜົົດ 228 ສະຫາຍ, ຍິງ 51 ສະຫາຍ.
ກອງປະຊຸມດັ່ງກ່າວໄດ້ເຜີຍແຜ່ ຄວາມເປັນມາຂອງການສ້າງຄູ່ຮ່ວມຊາຕາກໍາ ລາວ-ຈີນ ແລະ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ ສະບັບທໍາອິດ (2019-2023), ສະບັບທີ 2 (2024-2028), ເພື່ອເຮັດໃຫ້ຄະນະພັກແຕ່ລະຂັ້ນ ຮັບຮູ້-ເຂົ້າໃຈ ກ່ຽວກັບສາຍພົວພັນມິດຕະ ພາບ ແລະ ການຮ່ວມມືທີ່ເປັນມູນເຊື້ອມາແຕ່ດົນນານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ເຊິ່ງເປັນປັດໄຈສໍາຄັນອັນໜຶ່ງ ຄໍ້າປະກັນຜົນສໍາເລັດຂອງການປົກປັກຮັກສາ ແລະ ສ້າງສາພັດທະນາປະເທດຊາດເຮົາ ໃນປັດຈຸບັນ ແລະ ອະນາຄົດ.
