ກອງປະຊຸມໃຫ່ຍ ຄັ້ງທີ I ຂອງຄະນະພັກຮາກຖານ ພະແນກອຸດສາຫະກໍາ ແລະ ການຄ້າແຂວງ ໄດ້ເປີດຂຶ້ນຢ່າງເປັນທາງການ ໃນວັນທີ 11 ພະຈິກ 2025 ນີ້ ຢູ່ຫ້ອງປະຊຸມພະແນກຂອງຕົນ ພາຍໃຕ້ການເປັນປະທານ ແລະ ກ່າວເປີດກອງປະຊຸມ ໂດຍສະຫາຍ ຄອນສະຫວັນ ສຸກຂະເສີມ ເລຂາຄະນະພັກຮາກຖານ ພະແນກອຸດສາຫະກຳ ແລະ ການຄ້າແຂວງ, ໃຫ້ກຽດເຂົ້າຮ່ວມ ຂອງສະຫາຍ ບຸນລ້ຽງ ດວງສະເພົາທອງ ຮອງປະທານຄະນະກໍາມະການປົກຄອງແຂວງ ມີບັນດາຄະນະພັກຮາກຖານ, ເລຂາໜ່ວຍພັກ, ສະມາຊິກພັກທີ່ຂຶ້ນກັບ ແລະ ຕາງໜ້າຄະນະພັກຮາກຖານອ້ອມຂ້າງ ຖືກເຊີນເຂົ້າຮ່ວມ.
ໂອກາດນີ້ ສະຫາຍ ແກ້ວອຸ່ນເຮືອນ ຈັນທະວົງສາ ຮອງເລຂາຄະນະພັກຮາກຖານພະແນກອຸດສາຫະກຳ ແລະ ການຄ້າແຂວງ ໄດ້ຜ່ານຮ່າງບົດລາຍງານການເມືອງທັງສອງພາກຍົກໃຫ້ເຫັນຈູດດີ-ຈູດອ່ອນຂໍ້ຄົງຄ້າງທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ ຄະນະພັກຮາກຖານ ພະແນກອຸດສາຫະກໍາ ແລະ ການຄ້າແຂວງ ເປັນຮາກຖານພັກໜຶ່ງຂຶ້ນກັບອົງຄະນະພັກແຂວງ ໄດ້ຮັບຮອງຕາມມະຕິຕົກລົງ ສະບັບເລກທີ 366/ຄປພຂ, ລົງວັນທີ 02 ສິງຫາ 2022 ເຮັດໜ້າທີ່ຈັດຕັ້ງຜັນຂະຫຍາຍແນວທາງ, ນະໂຍບາຍຂອງພັກ, ລະບຽບກົດໝາຍຂອງລັດ ຕາມຄວາມຮັບຜິດຊອບໃນໜ້າທີ່ການເມືອງຂອງຕົນຢ່າງເຂັ້ມງວດ ປະກອບມີຄະນະພັກຮາກຖານ 5 ສະຫາຍ, ຍິງ 1 ສະຫາຍ. ມີ 4 ໜ່ວຍພັກຂຶ້ນກັບ ພາຍຫຼັງ ມີສະມາຊິກເພີ່ມຂຶ້ນ ໄດ້ແຍກໜ່ວຍພັກ ເປັນ 5 ໜ່ວຍພັກ. ຮອດເດືອນ ສິງຫາປີ 2025 ພາຍຫຼັງການຍຸບໂຮມພະແນກພະລັງງານ ແລະ ບໍ່ແຮ່ ມາຂຶ້ນກັບພະແນກອຸດສາຫະກໍາ ແລະ ການຄ້າແຂວງ ໄດ້ມີຄໍາສັ່ງວ່າດ້ວຍການຍຸບ ຄະນະພັກຮາກຖານພະແນກອຸດສາຫະກໍາ ແລະ ການຄ້າ ແລະ ຄະນະພັກຮາກຖານພະແນກພະລັງງານ ແລະ ບໍ່ແຮ່ ສະບັບເລກທີ 554/ຄປພ.ຂ, ລົງວັນທີ 19 ສິງຫາ 2025 ແລະ ມີມະຕິຕົກລົງ ຂອງຄະນະປະຈໍາພັກແຂວງບໍລິຄຳໄຊ ວ່າດ້ວຍການສ້າງຕັ້ງ ຄະນະພັກຮາກຖານພະແນກອຸດສາຫະກໍາ ແລະ ການຄ້າແຂວງ ສະບັບເລກທີ 555/ຄປພ.ຂ, ລົງວັນທີ 19 ສິງຫາ 2025. ປະກອບມີ 12 ໜ່ວຍພັກຂຶ້ນກັບ ກວມເອົາ 10 ຂະແໜງພາຍໃນພະແນກ, ສະພາການຄ້າ-ອຸດສາຫະກຳແຂວງ, ລັດວິສາຫະກິດໄຟຟ້າ ສາຂາແຂວງ. ປະຈຸບັນມີສະມາຊິກພັກທັງໝົດ 156 ສະຫາຍ, ຍິງ 45 ສະຫາຍ ສໍາຮອງ 02 ສະຫາຍ, ຍິງ 01 ສະຫາຍ. ທົ່ວແຂວງ ມີໂຮງງານອຸດສາຫະກຳປຸງແຕ່ງ ທີ່ຢູ່ໃນຄວາມຮັບຜິດຊອບ ຂອງຂະແໜງອຸດສາຫະກໍາ ແລະ ການຄ້າ ທັງໝົດ 427 ຫົວໜ່ວຍ ໂຮງງານຂະໜາດໃຫຍ່ 8 ຫົວໜ່ວຍ, ຂະໜາດກາງ 90 ຫົວໜ່ວຍ, ຂະໜາດນ້ອຍ 106 ຫົວໜ່ວຍ ແລະ ແບບຄອບຄົວ 223 ຫົວໜ່ວຍ, ລວມຍອດມູນຄ່າຜະລິດຕະພັນອຸດສາຫະກໍາປຸງແຕ່ງ 3,082.19 ຕື້ກີບ, ທຽບໃສ່ແຜນ 5 ປີທີ່ວາງໄວ້ (8,922.78 ຕື້ກີບ), ປະຕິບັດໄດ້ 34.54%, ສາເຫດທີ່ບໍ່ສາມາດບັນລຸຕາມເປົ້າໝາຍ ຍ້ອນໄດ້ມອບວຽກໂຮງງານປຸງແຕ່ງກະສິກໍາ ຂັ້ນຕົ້ນ ໃຫ້ຂະແໜງກະສິກໍາ ແລະ ປ່າໄມ້ ອັດຕາການຂະຫຍາຍຕົວສະເລ່ຍ 9.83% ຕໍ່ປີ.
ອອກໃບຢັ້ງຢືນຮັບຮອງໃຫ້ຜູ້ມີຄວາມຊໍານານງານ ແລະ ມີປະສົບການສູງ ເປັນນາຍຊ່າງຫັດຖະກໍາ ຈໍານວນ 8 ທ່ານ, ຍີງ 4 ທ່ານ, ໃນ 4 ກິດຈະການວິຊາຊີບ ຄື: ກິດຈະການແຈ່ວບອງ ແລະ ໜັງເຄັມ, ປຸງແຕ່ງຢາພື້ນເມືອງ, ແກະສະຫຼັກໄມ້, ຕ່ຳຫູກ ແລະ ຈັກສານມີຕະຫຼາດທັງໝົດ 40 ແຫ່ງ ທຽບໃສ່ຊຸມປີຜ່ານມາ ເພີ່ມຂື້ນ 09 ແຫ່ງ, ຕະຫຼາດໃຫຍ່ 02 ແຫ່ງ, ຕະຫຼາດກາງ 07 ແຫ່ງ ຕະຫຼາດນ້ອຍ 06 ແຫ່ງຕະຫຼາດຊຸມຊົນ 25 ແຫ່ງ ແລະ ຈຸດແລກປ່ຽນຊື້-ຂາຍສິນຄ້າຈຳນວນ 07 ຈຸດ. ມີສູນການຄ້າ ຈໍານວນ 02 ແຫ່ງ ແລະ ຮ້ານສັບພະສິນຄ້າ ຈໍານວນ 12 ແຫ່ງ, ຄຸ້ມຄອງຕິດຕາມສະພາບການເໜັງຕີງລາຄາສີນຄ້າສະບຽງອາຫານປະເພດເຂົ້າກີນ, ຊີ້ນໝູ, ຊີ້ນງົວ, ຊີ້ນຄວາຍ, ໄກ່, ປາ ແລະ ປະເພດພືດຜັກຕ່າງໆ ລວມທັງສິນຄ້າອຸປະໂພກ – ບໍລິໂພກ ແລະ ສິນຄ້າທົ່ວໄປ ທີ່ມີຜົນກະທົບໄວຕໍ່ຊີວິດການເປັນຢູ່ຂອງປະຊາຊົນ.
ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຊຸດໃໝ່ ກອງປະຊຸມໄດ້ເປັນເອກະສັນເລືອກເອົາສະຫາຍ ຄອນສະຫວັນ ສຸກຂະເສີມ ເປັນເລຂາຄະນະພັກຮາກຖານ, ສະຫາຍ ແກ້ວອຸ່ນເຮືອນ ຈັນທະວົງສາ ເປັນຮອງເລຂາ, ສະຫາຍ ນາງ ມະນີທອງ ອ້ວນລາສີ ເປັນປະທານກວດກາ ສະຫາຍ ຕູ້ຍ ຈັນທະມູງຄູນ ເປັນຮອງປະທານກວດກາ, ສະຫາຍ ສຸກສາຄອນ ບົວທອງ, ສະຫາຍ ໂພສອນ ທະລາພອນ ແລະ ສະຫາຍ ພຸດທະວົງ ສີສະຫວັດ ເປັນກຳມະການ